Вашата донација е целосно анонимна. Првата детска амбасада во светот Меѓаши може да ги објави имињата на компаниите и индивидуалните донатори доколку тие се согласни со тоа.

Првата детска амбасада во светот Меѓаши е препознаена како една од организациите со најголема доверба меѓу граѓаните во повеќе истражувања, посветеноста кон практикување на транспарентно и отчетно работење започнува со самиот почеток од 1992 година. Меѓаши редовно јавно ги прикажува финансиските и годишни извешаи како и ревизорски мислења, редовно ги објавува акивностите кои ги спроведува на социјалните мрежи и веб страни од каде граѓаните лесно можат да ги следат активностите.

Доколку сте индивидуален донатор или компанија која не сака да користи ослободување од данок на добивка тогаш не е потребно склучување на договор за донации кои се направени преку инернет. При самиот процес на донација добивате известување кое треба да го потврдите дека сте согласни според законот да направите донација. Веднаш по направената донација на вашиот е-маил ќе добиете потврда за направена донација.

Донациите направени преку интернет неможе да добијат ослободување од данок на добивка. За да може да бидете ослодобени од данок на добивка потребно е склучување на договор за донација за која треба да се добие потврда за јавен интерес од министерството за правда и уплата на средствата на трансакциска сметка на организацијата. По добивање на позитивен одговор добивате право на ослободување од данок на добивка.